A Seguridade Social pode necesitar xa este verán un préstamo para pagar as pensións

|

Mayorespension


O secretario de Estado de Seguridade Social, Tomás Burgos, afirmou que o Goberno baralla usar todos "os instrumentos" á súa disposición para garantir a cobertura da pensión de xuño e da paga extra de verán.


Así o sinalou Burgos durante a rolda de prensa dos datos de paro e afiliación á Seguridade Social rexistrados no mes de maio, onde tamén lembrou que o Goberno incorporou ao proxecto de lei dos Orzamentos Xerais do Estado (PGE) un préstamo de 10.000 millóns de euros para garantir a cobertura do pago das pensións.


O secretario de Estado deixou claro que o Goberno terá en conta a recadación de xuño e o avance da recadación de xullo para saber se é necesario incorporar parte dese préstamo para facer fronte ao pago da pensión ordinaria e extraordinaria.


Con todo, insistiu en que o Goberno vai garantir o pago das pensións "como non pode ser doutra maneira" de forma "puntual, completa e segura".

relacionada O Goberno incumpre a subida da pensión de viuvez por non poder pagar
relacionada UXT pide cambiar as bases de cotización para dar un respiro á Seguridade Social

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress