O Tribunal das oposicións á Policía Local de Vigo ordena que se repitan

As oposicións á Policía Local de Vigo repetiranse antes de que remte o verán. Así o acaba de decidir o Tribunal, ao considerar probada a amizade íntima entre dous dos vogais e varios aspirantes que se presentaron á proba.

A queixa naceu de varios opositores, que atoparon nas redes sociais motivos para sospeitar da relación persoal entre os dous membros do tribunal agora recusados, axentes da Policía Local de Mos, e dous opositores.

O exame teórico anulado repetirase nas próximas semanas, en canto estean nomeados os novos vogais. Máis de 500 persoas estaban citadas para obter as 23 prazas de Policía Local da oferta de emprego.