O MAC inaugura unha mostra con gañadores das súas bolsas de creación artística

O Museo de Arte Contemporánea Gas Natural Fenosa inaugura este xoves a exposición colectiva dos artistas Alberto Gracia, Ruth Montiel Arias e Federico Vladimir Strate Pezdirc, os tres gañadores da edición 2015 das Bolsas de Creación Artística no Estranxeiro Gas Natural Fenosa, segundo informa o centro.

Galicia, Irlanda, Marrocos, Sudáfrica, Perú e Terra de Lume (Chile e Arxentina) foron os destinos elixidos polos tres novos artistas bolseiros, que optaron por desenvolver a súa creación artística "en importantes centros mundiais de renovación da arte", segundo subliña o MAC.

Ademais, remarca que estas bolsas de estudo "permitíronlles completar a súa formación artística, ampliar o seu horizonte creativo e impregnarse de novas tendencias e influencias plásticas". Agora, o MAC explica que se presentará, na exposición, o traballo creativo e a evolución artística destes tres artistas nos últimos dous anos.

Sobre a mostra, precisa que estará aberta ata o 17 de setembro. Tamén remarca o seu obxectivo, coa convocatoria destas bolsas, "de potenciar e difundir a creatividade dos artistas plásticos e visuais nados ou residentes en Galicia".