Rueda: "Os de Podemos e as mareas están a fregar as mans"

O vicepresidente da Xunta aproveita o resultado das primarias do PSOE para lanzar outro dardo a Abel Caballero.


|


Rueda 5


O presidente do PP de Pontevedra e vicepresidente da Xunta, Alfonso Rueda, asegurou que "os de Podemos e as mareas están a fregar as mans" co regreso de Pedro Sánchez a Ferraz, tras gañar o pasado domingo as primarias do PSOE.


"Se eu pensase desde un punto de vista puramente egoísta de partido como PP, pois probablemente estariamos moi contentos porque a sensación de desunión que transmitiu o PSOE, tanto na campaña das primarias como agora pedindo vinganza algún dos derrotados, non fai augurar nada bo para o Partido Socialista", opinou o dirixente popular nunha entrevista en Radio Galega.


Con todo, remarcou, "España e Galicia necesitan un Partido Socialista forte e coherente" e "non un Partido Socialista en mans das mareas de Podemos". Neste sentido, instou aos socialistas a decidir se "se queren botar en brazos das mareas de Podemos e quedar reducidos á insignificancia" ou "queren ser ese partido serio que Galicia necesita e quere chegar a acordos importantes [...] co partido que gañou as eleccións".


Neste contexto enmarca a posición que adopte o PSOE en relación á moción de censura que presentou Podemos contra Mariano Rajoy, que atribúe á "insustancia que hai detrás de quen está todo o día montando circos". "Podemos vive do política espectáculo. Toman o Parlamento coma un circo e a seguinte función é a moción de censura", denunciou.


Sobre as primarias socialistas, Alfonso Rueda interpreta que o "gran derrotado" é o alcalde de Vigo: "A militancia socialista en Vigo non seguiu a Abel Caballero. Iso é o que di o resultado das primarias. Se gañase as eleccións en Vigo e na provincia de Pontevedra, Abel Caballero e Carmela Silva non falarían doutra cousa. O feito de que dixesen que non queren falar unha palabra fala ben ás claras de que senten desautorizados".

relacionada Rueda pide a Caballero "coherencia" á hora de valorar as sondaxes de xestión
relacionada Rueda retuitea unha mofa de Pedrerol sobre Caballero e incendia a rede
relacionada Caballero, sobre a vitoria "incontestable" de Sánchez: "Gañou e gañou ben"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE