Un autobús urbano atropela a unha muller nun paso de peóns na Coruña
A ambulancia trasladouna ao hospital, onde ingresou na UCI en estado grave e finalmente faleceu.
Unha muller, de 51 anos, faleceu na Coruña tras un atropelo nun paso de peóns por parte dun autobús urbano, segundo informou a Europa Press a Policía Local.
O suceso produciuse ao redor das 22,20 horas do xoves na zona de Elviña, na confluencia entre a rúa Pablo Picasso e Xeneral Rubín, precisaron as mesmas fontes.
A muller cruzaba por un paso de peóns non regulado por semáforos. Ao lugar, desprazouse unha ambulancia do 061, que nun primeiro momento atendeu á vítima.
Posteriormente, foi trasladada ao Complexo Hospitalario Universitario A Coruña (Chuac) onde ingresou na Unidade de Coidados Intensivos (UCI) en estado grave, pero, finalmente, faleceu.
Morre un policía local de Carballo tras ser atropelado nun control de alcoholemia
Morre unha septuaxenaria atropelada por unha moto en Salvaterra
Ferida unha persoa ao ser atropelada nun paso de peóns no centro de Santiago
Escribe o teu comentario