Unzué, a un paso do banco do Celta
As negociacións están moi avanzadas para que o conxunto celeste firme como adestrador ao, ata agora, segundo de Luis Enrique.
O Celta está moi preto de recuperar un vello coñecido para o banco do primeiro equipo. O que sería o seu novo técnico non é outro que o, ata agora, segundo de Luís Enrique, Juan Carlos Unzué. Despois do 'non' de Berizzo ao presidente celeste, Carlos Mouriño, as negociacións parecen estar máis que avanzadas.
Nunha entrevista en La Voz de Galicia, o presidente da entidade, Carlos Mouriño, falou de que "hai conversacións avanzadas con dous ou tres adestradores", pero igualmente parece ser que o mellor situado é Unzué.
Os primeiros rumores, alá en abril, apuntaban mesmo a Unzué como sucesor do asturiano no banco azulgrana. Con experiencia anterior no Numancia e o Racing de Santander, o navarro estaba disposto.
Unzué coñece o Celta, e é que foi segundo de Luis Enrique tamén en Vigo durante a tempada na que o asturiano estivo a dirixir o Celta. Ademais, parece que Mouriño ten 'predilección' por ex barcelonistas para o banco celtista, pois xa pasaron por aí Stoichkov, Eusebio, Luís Enrique e Unzué.
A Real Sociedad estraga no desconto a despedida de Berizzo
Berizzo confirma a súa marcha do Celta
Mouriño non se obsesiona con reter a Berizzo nin a ningún xogador
Escribe o teu comentario