Traballadores de Seaga homenaxean a dous brigadistas falecidos nun incendio en Pontevedra

Con respecto á campaña contra incendios deste verán, considera que "se non chove bastante" o terán "difícil"


|

Brigadistasincendio


Uns 25 traballadores da empresa pública de Servizos Agrarios Galegos, S.A. (Seaga) homenaxearon este sábado a Xulio Martínez e Rodrigo Amo, os dous brigadistas que faleceron nun incendio forestal en Fornelos de Montes (Pontevedra) hai case sete anos, concretamente no mes de agosto de 2010.


Tal e como indicou a Europa Press un dos traballadores, Xosé Ignacio Magariños, trátase dun acto que se celebra todos os anos cunha ruta. En concreto, esta desenvolveuse pola senda da Fraga de Barragán e finalizou nas Eiras, ao pé do encoro do mesmo nome.


A continuación, ao fío das 13,30 horas, os traballadores de Seaga que participaron na ruta realizaron un acto de homenaxe en memoria de Xulio Martínez e Rodrigo Amo, á beira da placa colocada na praza do Concello de Fornelos de Montes. A continuación, produciuse unha comida popular nas Eiras.


O obxectivo desta homenaxe, explicou Xosé Ignacio Magariños, é lembrar o traballo de Xulio e Rodrigo. Nesta liña, opinou que a Xunta e a propia empresa poderían realizar un acto en recordo de todas as vítimas dos incendios forestais.


Acto seguido, denunciou a actitude de "deixamento" da Xunta con respecto ás campañas contra incendios, o que produce "inseguridade" nos traballadores.


Con respecto á campaña contra incendios deste verán, considera que "se non chove bastante" o terán "difícil", cousa que empeorará, engadiu, "se hai aire".


Neste sentido, sostén que foi "moi pouca" a prevención que o Goberno galego levou a cabo este inverno para evitar os incendios forestais durante o verán.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE