Santiago conmemora o éxodo palestino coa proxección de 'The time that remains'

|

Timeremains


A Fundación Araguaney-Ponte de Culturas conmemora este luns 15 de maio o 69 aniversario da Nakba Palestina coa proxección da película 'The time that remains', que terá lugar ás 20,00 horas no salón da Camelia do hotel Eurostars Araguaney.


En contreto, Nakba é un termo árabe que significa catástrofe ou desastre e que se utiliza para designar o éxodo palestino. Segundo a Axencia das Nacións Unidas para os Refuxiados Palestinos (UNRWA), son refuxiados palestinos as "persoas cuxo lugar de residencia habitual era o Mandato Británico de Palestina entre xuño de 1946 e maio de 1948 e que perderon as súas casas e medios de vida como consecuencia da Guerra árabe-israelí de 1948".


'The time that remains' (2009), unha coprodución de Francia, Bélxica, Italia e Reino Unido de 109 minutos, é unha película estruturada en catro episodios históricos, duns 20 minutos cada un e separados por un fundido negro, nos que se relata de maneira semiautobiográfica a vida da familia de Elia Suleiman en Nazaret, desde 1948 ata o século XXI.


O guión, segundo precisou a Fundación Araguaney nun comunicado, baséase nos diarios do seu pai desde a rendición de Nazaret na guerra árabe-israelí de 1948, concretamente nas cartas que súa nai enviaba aos familiares que tiveron que deixar o país e nos recordos do propio director.


A través desta historia familiar, o director tenta retratar a vida dos palestinos que se converteron en árabes israelís tras decidir quedar no seu país.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress