O único candidato a liderar o PP de Lugo aposta por integrar correntes

Ramón Carballo, con Elena Candia.

O concelleiro do PP no Concello de Lugo Enrique Rozas comprometeuse a que o partido "recupere" a rúa tras ser proposto para a vicepresidencia da xunta directiva local por Ramón Carballo, candidato a substituír a Jaime Castiñeira como líder do PP lugués.

Carballo xa presentou a súa candidatura, a única rexistrada para o congreso do 26 de maio, coa que evidencia a procura de consenso ao situar en dous postos destacados a Rozas (que no seu día avalou a Elena Candia para o liderado provincial) e á concelleira Mari Teijeiro (que apoiou a Raquel Arias, perdedora no proceso). Agora, Carballo aposta por Teijeiro para a secretaría local do PP lucense.

Pola súa banda, Rozas deu as "grazas" a Ramón Carballo por depositar a súa "confianza" nel para a vicepresidencia e asegurou que espera "non defraudalo" a el nin ao resto de militantes. "Esta responsabilidade supón continuar nese labor que desempeño desde hai moitos anos no partido e dar todo o mellor de min para que dalgunha maneira o PP en Lugo volva ter os éxitos que no seu día tivo", apostilou.