Case 320 familias galegas teñen concedidos bonos de aluguer social
A Xunta está a abonar de momento a axuda a uns 220 beneficiarios en risco de desafiuzamento.
A Xunta, a través da Consellería de Infraestruturas e Vivenda, concedeu un total de 317 bonos de aluguer social co fin de proporcionarlles ás persoas con dificultades unha axuda que lles permita garantir o pago da renda da súa vivenda.
Segundo indicou a Xunta a través dun comunicado, destes bonos concedidos, 223 están a ser abonados. En concreto, o bono de aluguer social enmárcase nas 12 medidas adoptadas polo Goberno galego fronte aos desafiuzamentos e en defensa do dereito á vivenda.
A Administración autonómica fixo pública no mes de xaneiro a convocatoria destas axudas do bono correspondente a este ano, que contará cun investimento de cinco millóns de euros, que se destinarán a subvencións que se concederán este ano e prorrogaranse ata 2019 ou 2020.
Escribe o teu comentario