A Policía investiga a "desaparición inquietante" dunha ourensá de 57 anos
O irmán da vítima denunciou a súa desaparición este mércores e asegurou que foi vista por última vez o 7 de abril.
A Policía Nacional de Ourense investiga a desaparición de Belén R.E., unha ourensá de 57 anos desaparecida do seu domicilio desde o pasado 7 de abril.
Segundo informaron fontes do corpo, foi o irmán da vítima o que denunciou este mércores a desaparición da muller e asegurou que a última vez que foi vista foi o 7 de abril, mentres estaba no domicilio da súa nai, na rúa Cardenal Quiroga de Ourense.
Fontes policiais destacaron que están abertas todas as hipóteses e cualifican a desaparición como "inquietante". A asociación Sos Desaparecidos tamén difundiu a súa imaxe por se alguén puidese dar algunha pista do seu paradoiro.
Escribe o teu comentario