35 concellos están obrigados a censar os galiñeiros familiares pola ameaza da gripe aviaria
En sete municipios do Salnés, as aves de curral deberán, ademais, estar baixo cuberto para evitar o contacto con aves migratorias.
A Consellería do Medio Rural, seguindo un protocolo do Ministerio de Agricultura, obriga a 35 concellos galegos a censar os galiñeiros familiares. A finalidade é contar cun rexistro que permita controlar a aparición dun foco de gripe aviaria.
En sete concellos do Salnés, considerados zonas de especial risco, as aves de curral deberán estar gardadas a cuberto para evitar o contacto con aves migratorias que poidan transmitir o virus. A orde abarca Sanxenxo, O Grove, Meaño, Ribadumia, Cambados, A Illa de Arousa e Vilanova de Arousa.
O departamento de García Tejerina considera que estes municipios teñen factores de risco como a densidade de aves migratorias nos humidais, o gran número de explotacións de aves de curral próximas a humidais onde as aves poden reunirse e a dificultade de evitar suficientemente o contacto coas aves de curral ou outras aves cativas e especies silvestres.
As dependencias municipais e as oficinas agrarias comarcais da Consellería dispoñen dun formulario que debe cubrir e entregar canto antes quen dispoña de galiñeiros nestes municipios.
Capturan unha aguia con anel que matou varias galiñas e un galo
Escribe o teu comentario