Santiago acollerá oito procesións entre o Xoves Santo e o Domingo de Pascua

|

Semanasantasantiago 1

As rúas de Santiago de Compostela acollerán entre o Xoves Santo e o Domingo de Pascua oito procesións. A xornada do Venres Santo será a máis concorrida con catro actos procesionais, segundo informaron os organizadores.


Así, a Confraría Franciscana da Vera Cruz e a do noso Pai Jesús Flagelado son as irmandades encargadas das dúas procesións que percorrerán as rúas de Santiago de Compostela este Xoves Santo.


A primeira en saír será a da Última Cea de Salvador, da que se encarga a Confraría Franciscana de Vera Cruz. Partirá ás 19,30 horas deste xoves desde a igrexa conventual de San Francisco.


Esta procesión conta cos pasos da Virxe da Vera Cruz, o Cristo Cativo e a Última Cea do Salvador. Este último é unha talla do escultor compostelán Juan de Sanmartín que data de 1867 e que foi premiada na Exposición Universal de París.


Pola noite, a as 23,30 horas, tocaralle a quenda á Confraría do noso Pai Jesús Flagelado que iniciará a súa procesión de Jesús Flagelado ás 23,30 horas desde a igrexa de San Agustín. Os confrades portarán o paso procesional do noso Pai Jesús Flagelado, obra de Diego de Sande no primeiro terzo do século XVIII.


VENRES SANTO


Na xornada do Venres Santo sairán catro procesións en Santiago. A do Santo Encontro será a primeira, que partirá ás 10,30 horas desde a igrexa de San Miguel dos Agros, da man da Confraría do noso Pai Jesús Nazareno e da Santísima Virxe das Dores e discorrerá, acompañada pola Banda Municipal de Santiago.


Esta procesión conta cos pasos de San Juan, A Verónica, a Virxe das Dores e o do noso Pai Jesús Nazareno. Este último é obra do escultor Manuel Prado e Mariño no século XVIII.


Pola tarde, ás 18,00 horas, sairá a procesión da Quinta Angustia, desde a igrexa do mesmo nome. A Ilustre Confraría da nosa Señora da Quinta Angustia procesiona cunha imaxe tallada por Jesús Picón en 1921, que foi restaurada en 2007 por Leopoldo Rodríguez.


Mentres, ás 20,00 horas partirá a Confraría Numeraria do Rosario coa súa procesión do Santo Enterro desde a igrexa de San Domingos de Bonaval. Estarán acompañados pola Banda Municipal de Santiago.


Un dos pasos da procesión do Santo Enterro é o de Cristo xacente, cuxa imaxe é obra de Pedro Núñez de Taboada (século XVI); a urna é de Tomás Fontenla (1740), e a súa peana foi ampliada por Bonome en 1953. Posúe incrustacións de ouro, prata, marfil e pedras preciosas, segundo destacan os organizadores, que engaden que a urna está coroada polos 'Anxiños da Paixón', realizados dunha peza en marfil.


O outro paso é o da Virxe dos Coitelos, unha talla do escultor compostelán Castor Lata que loce un manto de veludo que regalou a raíña Isabel II á confraría en 1899.


Xa pola noite, ás 23,00 horas do Venres Santo, sairá a procesión da Virxe da Soidade desde a igrexa de Salomé.


SÁBADO E DOMINGO


O Sábado Santo ás 20,00 horas comezará a procesión dos Irmáns desde o Colexio da Inmaculada da man da Real Confraría Penitencial do Santísimo Cristo da Unción e A nosa Señora da Serenidade.


A Cruz dos Infantes, o Cristo Crucificado, o Santísimo Cristo da Unción e A nosa Señora da Serenidade son os catro pasos cos que conta esta procesión. As tallas dos dous últimos datan de 1957 e son obra do escultor Castor Lata. 


O Domingo de Pascua a Confraría Franciscana da Vera Cruz volverá percorrer as rúas compostelás. Partirá ás 10,30 desde a igrexa de San Francisco e ás 11,00 horas terá lugar o encontro entre o Cristo Resucitado e a Virxe da Luz na Praza da Quintana.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress