CCOO recorrerá o pacto do Sergas con sindicatos sanitarios e CSIF para reducir a eventualidade
O acordo deixa as organizacións que non asinaron "fóra do debate sobre como resolver o problema da precariedade".
A Federación de Sanidade de Comisións Obreiras de Galicia anunciou este martes que recorrerá o plan de estabilidade e provisión pactado o xoves pasado polo Servizo Galego de Saúde (Sergas) cos sindicatos profesionais CESM-O'Mega e Satse, así como por CSIF.
Segundo informou a central sindical, recorrerá o punto terceiro, "no que se pretende deixar fóra da comisión de seguimento tanto a CC.OO. coma outras organizacións que non subscribiron este acordo", segundo concreta esta central sindical.
O secretario xeral de CC.OO.-Sanidade, Ángel Cameselle, sinalou que este plan de estabilidade "nin é transparente nin se aplica o recollido no acordo estatal para reducir de modo drástico a temporalidade".
Neste sentido, defende que CC.OO. é a primeira forza sindical de ámbito estatal nas administracións públicas, incluída a sanidade, polo que, segundo subliña, "non permitirá que ninguén" os "deixe fóra do debate" aberto polo Sergas "sobre como resolver o problema da precariedade e a eventualidade na sanidade pública galega".
Sergas e sindicatos pactan para reducir o persoal temporal a un 5%
Sanidade quere cambiar o modelo de pediatría e que deixe de ser un dos puntos débiles
Escribe o teu comentario