España prepárase ante posibles ciberataques ou interferencias rusas nunhas eleccións

España prepárase para previr eventuais ciberataques ou intentos de interferir nuns comicios por parte de Rusia ou doutros países estranxeiros, revelou este venres o ministro de Asuntos Exteriores e de Cooperación, Alfonso Dastis.

Nunha entrevista en RNV, recollida por Europa Press, Dastis recoñeceu que en España podería suceder o que ocorreu en países como EEUU e Francia, onde se filtraron informacións aos medios de comunicación --algunhas directamente falsas, outras presuntamente obtidas pola espionaxe-- para prexudicar a uns candidatos fronte a outros.

"Se sucedeu noutros Estados membros non vexo por que non vai suceder en España", recoñeceu o xefe da diplomacia, que desvelou que os servizos de intelixencia e de Defensa están a prepararse e están a traballar xunto a outros países socios "para facer fronte" a esta ameaza.