A USC fará medicións de concentración de gas radón en edificios municipais da Coruña

O goberno local da Coruña, a través da Concellería de Facenda e Administración, realizará unha serie de medicións para determinar se existe gas radón en edificios municipais, segundo informa.

Nun comunicado, sinala que estas medicións foron contratadas co Laboratorio de Análise de Radiacións da Universidade de Santiago de Compostela (USC).

Ademais, vincula esta actuación co "compromiso co medio ambiente e a responsabilidade de garantir que o funcionariado traballe en condicións seguras e óptimas para a súa saúde", segundo engade.

As medicións, que terán lugar en diversas estancias dos edificios do Concello da Coruña, o museo e a biblioteca da Casa das Ciencias, os Peixes e a Domus, ademais de edificios administrativos, levarán a cabo durante tres meses para, posteriormente, emitir un informe final e determinar as recomendacións.