A contratación feminina triplícase na primeira empresa que implanta o currículo oculto

|

Curriculociegodolorsmontserrat


A ministra de Sanidade, Asuntos Sociais e Igualdade, Dolors Montserrat, anunciou este mércores que xa existe unha empresa española na que se implantou o currículo no que se oculta o sexo e que este proceso elevou a contratación de mulleres na compañía dun 12 a un 36 por cento.


Este currículo oculto foi unha das primeiras medidas adoptadas pola ministra tras a súa chegada ao Goberno, o pasado mes de novembro, e ten como obxectivo unha contratación máis equitativa eliminando a discriminación cara á muller e cara a outros colectivos, como pode ser o LGTBI. Así, o currículo non inclúe os datos persoais do traballador, senón só os seus méritos académicos e profesionais.


Durante a súa intervención no Pleno do Congreso deste mércores, Montserrat explicou que o traballo do seu departamento neste tema é "implementar esta medida" nas empresas, empezando por aquelas que teñen distintivo de igualdade e estendéndoa despois a todas as demais. Neste sentido, sinalou que a maioría de compañías coas que falaron acolleron "moi ben" a idea.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress