Villanueva descarta que funcionarios de Teixeiro presionasen a Rosario Porto para confesar

|


Rosarioporto 1

O delegado do Goberno en Galicia, Santiago Villanueva, defendeu que a decisión de traslado de presos dun cárcere a outra tómase "en función das circunstancias persoais" de cada interno, ao ser preguntado pola situación de Rosario Porto e a decisión de Institucións Penais de trasladala do cárcere de Teixeiro (A Coruña) á da Lama (Pontevedra) unha vez que reciba a alta médica.


A preguntas dos xornalistas sobre a situación de Rosario Porto, condenada a 18 anos de prisión polo asasinato da súa filla Asunta e que permanece ingresada no Complexo Hospitalario Universitario A Coruña (Chuac) tras unha inxesta de pastillas, indicou que de momento non ten "máis noticias" en relación ao seu posible traslado.


En canto ao anuncio do avogado de Porto, José Luis Gutiérrez Aranguren, sobre a presentación dunha petición para que se reconsidere o traslado, sinalou que o letrado ten "dereito a recorrer". "E en función dese recurso, estudarase por parte de quen corresponda", engadiu.


SUPOSTAS PRESIÓNS


Por outra banda, sobre as denuncias do letrado respecto de supostas presións á súa clienta para que admita a súa culpabilidade, Villanueva dixo non crer que "ningún funcionario poida estar a presionar en ningún momento nin a ela nin a ningún outro preso".


"Este é un país onde se cumpre a normativa e se respectan os dereitos dos presos", apostilou sobre este tema o delegado do Goberno en Galicia.

relacionada Rosario Porto tomou as pastillas para non ser trasladada á Lama
relacionada Ingresan de urxencia a Rosario Porto por unha sobredose de pastillas

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress