Interveñen material pirotécnico e pornográfico nun comercio de Mugardos
A inspección saldouse coa aprehensión de 46 caixas de material pirotécnico, 58 de pistolas de xoguete sen certificado CE e material pornográfico que "se vendía á vista do calquera tipo de público".
A Garda Civil da localidade coruñesa de Mugardos interveu 46 caixas de material pirotécnico, 58 caixas de pistolas de xoguete e material pornográfico que se vendían nun establecemento deste municipio.
Segundo informou o Instituto Armado, na mañá do pasado día 27 de febreiro procederon á intervención dese material despois de ter coñecemento de que nun establecemento da localidade se vendían artificios pirotécnicos sen autorización.
Por iso, segundo relatan as mesmas fontes, procederon a realizar unha inspección nese local co fin de comprobar eses feitos. O resultado da inspección saldouse coa aprehensión de 46 caixas de material pirotécnico, 58 caixas de pistolas de xoguete que non posuían certificado CE e diferente material pornográfico que, segundo concreta a Benemérita, "se vendían á vista do calquera tipo de público".
Das infraccións detectadas producíronse ata dez actas administrativas, segundo puntualiza o Instituto Armado, que, xunto ao material incautado, foron postas a disposición da autoridade competente.
Escribe o teu comentario