Unha condutora métese por erro na vía do tren no Porriño

Un guindastre retirou o coche pasadas as doce da noite. A esa hora non había ningún ferrocarril pendente de pasar pola zona.


|

CocheviaporrinoO coche entrou polo paso a nivel. // Foto: @cyrpontevedra


Un guindastre retirou a última hora da noite do luns un vehículo das vías do tren no paso a nivel do Porriño tras meterse por erro unha condutora.


Segundo informou o 112 Galicia, sobre as 23,30 horas do luns un particular pedía axuda ao servizo de emerxencias para retirar un vehículo na vía do tren.


O alertante indicou que a condutora estaba ben pero, por erro, meteuse na vía e non podía retirar o vehículo. Por iso, o 112 Galicia pasou aviso ao persoal do servizo de emerxencias de Adif, que asegurou que non había circulación férrea pendente nesa zona.


A Policía Local tamén foi requirida polo persoal do 112 Galicia. Sobre as 00,15 horas deste martes os axentes comunicaron ao CAE 112 Galicia que o vehículo fora retirado por un guindastre.


Ademais, sinalaron que se informou aos técnicos de Adif dos posibles danos nunha caixa de electricidade ocasionados ao retirar o turismo.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE