Persecución polas rúas de Narón para atrapar un condutor bebido e sen carné

Antes da unha da madrugada, a Garda Civil conseguiu cortarlle o paso tras varios quilómetros detras del.


|

Naronpersecucion


Axentes da Garda Civil protagonizaron na madrugada deste martes, sobre as 0,40 horas, a persecución dun vehículo, un Peugeot 405, por varias estradas, rúas e avenidas de Narón (A Coruña) e que finalizou tras unha fuxida que se prolongou durante varios quilómetros.


Segundo confirmaron fontes da Benemérita a Europa Press, a fuxida do condutor iniciouse cando os axentes o localizaron facendo manobras temerarias na parroquia de Castro, na zona rural de Narón, e accedendo á zona urbana por Freixeiro, onde tomou unha das rotondas polo carril contrario no seu intento de fuxida.


O vehículo entrou a gran velocidade polas rúas Illa da Toxa, Illa de Tambo e Mestre Mateo, todas elas situadas na barraida coñecida como das 'Casas da Mariña', segundo relatan as mesmas fontes, onde foi inteceptado o vehículo por dous automóbiles da Garda Civil, que lle cortaron o paso nunha rúa estreita, ao situarse un por diante e outro por detrás.


DELITO CONTRA A SEGURIDADE DO TRÁFICO


Os axentes impútanlle ao condutor un delito contra a seguridade do tráfico por condución temeraria. Ademais, deu positivo no test de alcoholemia, sen superar a taxa dos 0,60 miligramos de alcol en aire expirado, o que supón a comisión dun delito contra a seguridade viaria.


Tamén foi denunciado por conducir sen carné, feito que se considera unha infracción administrativa neste caso, xa que o condutor posúe licenza de ciclomotor.

relacionada Denunciado por colgar en facebook un vídeo no que facía manobras temerarias co coche
relacionada Deteñen un ciclista que circulaba ebrio e falando polo móbil no túnel do Hórreo

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE