Denunciado por colgar en facebook un vídeo no que facía manobras temerarias co coche

|

Cochetrompo

Imaxe de arquivo


Efectivos da Agrupación de Tráfico da Garda Civil pertencentes ao Destacamento de Tráfico de Corcubión (A Coruña) denunciaron a un condutor que colgou en redes sociais un vídeo no que se vía como realizaba manobras temerarias.


Así o informou o Instituto Armado, que sinalou que foi o domingo cando se presentou a denuncia por infracción ao Regulamento Xeral de Circulación por "conducir de forma temeraria".


En concreto, o condutor dun turismo BMW Z3 accedeu a unha zona peonil "co fin de realizar círculos sobre si mesmo facendo deslizar o eixo traseiro, chegando a non manter as dúas mans sobre o volante co consecuente risco de colisión", segundo relatan as mesmas fontes.


Por iso, o Instituto Armado xustifica que a formulación da denuncia deriva do visionado dun vídeo gravado e publicado na rede social Facebook.


A Benemérita remitiu a denuncia formulada xunto a un CD coa gravación do feito á Xefatura Provincial de Tráfico da Coruña.

relacionada Campaña intensiva de vixilancia e control de camións e furgonetas en Galicia

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress