As protestas polo traslado do cura de Friol chegan á Santa Sé

|

EmbajadorespaasantasedeeduardogutierrezsaenzdeburuagaO Embaixador de España ante a Santa Sé,  D. Eduardo Gutiérrez Sáenz de Buruaga // www.exteriores.gob.es


O alcalde de Friol (Lugo), o popular José Santos, remitiu unha carta ao embaixador de España ante a Santa Sé polo traslado do cura José Ángel Pérez á localidade de Ribas de Sil. 


"Esta decisión (o traslado) ordenada desde o Bispado (de Lugo), non é entendida entre os nosos veciños nin cren que teña fundamento algún", afirma o rexedor no escrito dirixido a Eduardo Gutiérrez Sáenz de Buruaga.


"Comentan os de máis avanzada idade, que é un cura excepcional, que consegue que a xente de todas as idades, nenos e maiores vaian a misa por vontade propia", segundo subliña na misiva.


Ademais, o alcalde confirmou que, á súa vez, comunícaselle ao embaixador "a postura que desde a Diocese de Lugo (que leva o bispo Alfonso Carrasco Rouco) está a manter neste tema". "Unha postura ditatorial e sectaria, todo o contrario ao que debe ser a Igrexa", reprochou.


Mentres, seguen as mobilizacións o domingo ante a parroquia de Transmonte en Friol. José Santos avanzou que continuarán os veciños manifestándose, en protesta pola actitude do bispo de desatender as demandas veciñais, cada domingo ante as igrexas das parroquias de Friol. A próxima celebrarase en Seixón, o domingo ás 11,00 horas.

relacionada Friol non irá a misa os domingos en protesta polo traslado do seu cura
relacionada Friol e Guitiriz concéntranse ante o Bispado de Lugo contra o traslado do seu párroco
relacionada Guitiriz únese á "revolución social" contra o traslado "forzoso" do seu párroco

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress