Detidas na Coruña dúas persoas reclamadas pola Interpol por un secuestro en Venezuela
Dado o "perigo" de ambos suxeitos, do seu arresto encargouse a Unidade de Delincuencia Especializada e Violenta.
A Policía Nacional vén de deter na Coruña a dúas persoas reclamadas pola Interpol para a súa extradición por un secuestro en Venezuela.
En concreto, segundo un comunicado difundido pola Policía, os dous homes foron localizados e detidos nos municipios coruñeses de Cambre e Culleredo o pasado día xoves.
Dado o "perigo" de ambos suxeitos, do seu arresto encargouse a Unidade de Delincuencia Especializada e Violenta, apoiada polos Grupos Operativos de Seguridade de Galicia.
Os detidos, un español de 63 anos e un venezolano de 52, xa pasaron a disposición do xulgado central de instrución número dous da Audiencia Nacional a través do número catro da Coruña.
Ambos estaban reclamados para extradición por delitos de secuestro, extorsión e asociación para delinquir.
22 detidos, un deles en Vigo, por difundir pornografía infantil a través de Twitter
Desmantelan unha rede de tráfico de heroína que operaba desde Galicia e Madrid
Escribe o teu comentario