Morre un home de 39 anos en Xermade tras caerlle encima unha árbore

Un home de 39 anos de idade perdeu a vida este xoves no municipio lucense de Xermade tras caerlle encima un das árbores que estaba a cortar.

Segundo os datos do 112, a vítima deste accidente laboral atopábase traballando nunha zona de monte de Lousada de Arriba cando a árbore se lle veu encima.

Un compañeiro da vítima explicou ao 112 que tentara trasladalo na furgoneta ao hospital da Coruña, aínda que faleceu durante o camiño. En concreto, segundo o seu relato, deuse conta de que morrera á altura de Bergondo.