O Defensor do Paciente denuncia o caso dunha muller con metástase á que "mandan traballar"
Piden a intervención "o máis contundente posible" da Fiscalía, despois de que o TSXG lle denegase a incapacidade absoluta | Só lle ofrecen unha incapacidade parcial, de 388 euros.
O Defensor do Paciente puxo este xoves en coñecemento do fiscal superior de Galicia, Fernando Suanzes, a situación dunha muller de Marín (Pontevedra) á que "mandan traballar" a pesar de que se lle diagnosticou unha metástase.
En concreto, esta entidade pide ao fiscal unha intervención "o máis contundente posible", a fin de que "poñer en risco a vida dunha persoa non sexa fácil nin gratuíto".
Como recolleu esta semana o Diario de Pontevedra, Isabel Carragal recorreu ante o Tribunal Superior de Xustiza de Galicia (TSXG) o fallo que acaba de denegarlle a incapacidade absoluta.
Esta marinense de 46 anos, con dous fillos aos que mantén, padece cancro de mama desde fai tres. Sufriu unha mastectomía dobre e ten metástase, a pesar do cal a administración só lle ofrece unha incapacidade parcial, de 388 euros.
As mortes por enfermidades crónicas duplican as de cancro, debido a unha maior supervivencia
A Fiscalía recibe o caso dunha mariscadora con cancro á que negaron a baixa
O cancro dispárase en España e supera en 2015 os casos estimados para 2020
Escribe o teu comentario