Case un 60% das granxas lácteas que pecharon en España durante 2016 eran galegas

|

Granjalctealechevacas


Galicia perdeu en 2016 un total de 615 granxas lácteas, ao pasar dos 9.132 produtores con entregas cos que pechou 2015 aos 8.517 de decembro do pasado ano.


En toda España desapareceron un total de 1.031 explotacións lácteas durante este período, de forma que o 59,6% das granxas que pecharon en 2016 eran galegas.


Así figura nos datos publicados polo Ministerio de Agricultura, recollidos por Europa Press, nos que se observa un lixeiro repunte no prezo que se paga de media aos gandeiros galegos ata 29,8 céntimos o litro en decembro de 2016 (eran 29,7 céntimos en novembro), o que supón un céntimo máis cos que se terminou 2015 (28,8 céntimos).


De todos os xeitos, Galicia continúa como a comunidade na que os produtores perciben menos polo seu leite e a única na que aínda non se alcanzan os 30 céntimos por litro, mentres a media se sitúa en 31,3 céntimos.


Ademais, os prezos que se pagan a gandeiros galegos (29,8 céntimos) por un litro de leite están cinco céntimos por baixo dos 34,9 céntimos que se abonan aos produtores do País Vasco --maior prezo peninsular--.


En xullo de 2016 alcanzouse o prezo máis baixo do leite en Galicia desde maio de 2009, con 26,7 céntimos, e desde entón incrementouse ata case rozar os 30 céntimos en decembro no marco dunha subida xeneralizada en España.


PRODUCIÓN


No tocante á produción, Galicia produciu en 2016 un total de 2.603.141 toneladas de leite, o que supón unhas 13.250 toneladas máis que as 2.589.890, é dicir, unha subida do 0,5%, de forma que se mantén case invariable.


En decembro de 2016 houbo un novo incremento en Galicia ata 214,6 toneladas, fronte ás 203,4 toneladas de novembro, de forma que se sitúa como a quinta cantidade menor do ano.

relacionada Xa son 79 as granxas galegas certificadas que producen leite ecolóxico
relacionada Os Vinte e oito apoian estender o "paquete lácteo" máis aló de 2020
relacionada Os socialistas piden que o problema lácteo se trate como "cuestión de Estado"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress