Premio o Servizo de Ginecología do CHUF por un estudo sobre a detección do Virus do Papiloma

O Servizo de Ginecología e Obstetricia do Complexo Hospitalario Universitario de Ferrol foi premiado a nivel nacional por un estudo sobre a importancia dos cribados do Virus de Papiloma Humano VPH.

Foi no XXXVII Congreso da AEPCC (Asociación Española de Patoloxía Cervical e Colposcopia), que tivo lugar este fin de semana en Tenerife.

Os autores do traballo son Pedro Orilla Salvador, Raquel Iglesias Méndez e Tamara García Granda, especialistas e residente do Servizo de Ginecología do Hospital Arquitecto Marcide do Complexo Hospitalario Universitario de Ferrol.

Tal e como explicou Pedro Orilla no Congreso nacional, o obxectivo era avaliar a prevalencia das lesións (denominadas HSIL/CIN2+) en mulleres con citología negativa e VPH AIRE (de alto risco positivo) remitidas desde o cribado poboacional a colposcopia.

"Que é unha visión por microscopía para observar o colo do útero previa preparación con ácido acético, e que permite ver as lesións que serán susceptibles de confirmar en biopsia, así como describir os achados histolóxicos e a necesidade de tratamento escisional", recolle o Sergas nunha nota de prensa.