Yulenmis Aguilar bate o récord en España de xavelina, pero non se rexistra por non ter aínda a nacionalidade

Aguilar fixo aterrar a xavelina no metro 64'17, unha marca que deixaría a Mercedes Berra sen o récord nacional. 

Lida Parada tamén alcanzou a medalla de prata e non defraudou tras o seu retorno á pista atlética. 

A proba de lanzamento de xavelina estivo liderada pola presenza galega: Yulenmis, Lida e Paula Piñón impuxéronse na proba nacional con marcas que as deixan en moi boa posición. 

Yulenmis Aguilar é natural de Cuba, pero reside en Oleiros e adestra en a Escola de Lanzadores da Coruña. Onte presentouse en Nerja para participar fóra de concurso e deixou a todo o público impresionado co seu espectacular resultado. Así é, Aguilar superou a barreira que Mercedes Berra deixara no rexistro nacional hai doce anos. 

Yulenmis non só alcanzou 64,17 metros, senón que tamén se posicionou con esta marca como sexta no ranking mundial de lanzamento de 2022. Fixo historia, pero nesta ocasión a súa marca quedou fóra do concurso español por ter a nacionalidade española en proceso de tramitación. 

Outra das grandes protagonistas do Campionato de onte foi a pueblense Lida Parada. Moitas persoas esperaban volver ver o seu nome na final e, finalmente, 2022 foi o seu mellor ano para retornar. Tras varios anos de lesión e infortunios que a mantiveron afastada do concurso desde 2018, a atleta volveu e non defraudou. 

De feito, sentenciouse nos primeiros postos desde o inicio, pois a súa xavelina alcanzou os 53,29 metros e isto supón o seu mellor marca da tempada. quedou ás portas do ouro por pouco, superándoa Arantza Moreno con 55,70 metros. 

Así mesmo, Lida tamén loita por esas mínimas europeas e, coñecendo o seu mellor marca de 61'25 metros de 2018, prognostícanse posibilidades para alcanzar a súa meta. Por último, Paula Piñón alcanzou a sexta posición cunha boa marca de 47,32 metros.