O crecemento vexetativo en Galicia volve ser negativo: por baixo dos 2,7 millóns de persoas e restando


|

Galicia pechou 2021 con 5.319 persoas menos. Ao 1 de xaneiro, había 2.691.557 persoas nunha comunidade cada vez máis envellecida e na que a natalidade non fai máis que descender. 

 

Con todo, a sangría podería ser moito peor de non ser polo saldo migratorio, que sostivo a Galicia: 9.116 persoas coa migración exterior; 3.747 persoas coa interior.

 

 

A poboación galega diminuíu en 5.319 persoas en 2021 debido a rexistrar un saldo vexetativo (nacementos menos defuncións) de -18.057 habitantes, quedándose nos 2.691.557 galegos ao 1 de xaneiro de 2022.

Segundo datos publicados este martes polo Instituto Nacional de Estatística (INE), recollidos por Europa Press, Galicia rexistrou o ano pasado -18.057 mortes máis que nacementos.

 

EMIGRACIÓN E INMIGRACIÓN

Con todo, o saldo migratorio exterior foi positivo, con 9.116 persoas, do mesmo xeito que o interior, con 3.747 persoas. Isto permitiu á Comunidade pechar o 2021 con só 5.319 habitantes menos.

Desta forma, Galicia diminuíu un 0,20% a poboación, a diferenza que a media de toda España, onde os habitantes creceron un 0,07%, é dicir, en 34.110 persoas máis.
 

 

ESPAÑA CRECE

A nivel nacional, España pechou 2021 nos 47.432.805 habitantes, cun saldo migratorio positivo de 148.677 persoas, que compensou o saldo vexetativo negativo de 113.023 habitantes.

Murcia (+0,63%), Comunidade Valenciana (+0,50%) e Canarias (+0,36%) experimentaron os maiores crecementos de poboación. No lado contrario atopáronse Aragón (-1,14%), Ceuta (-1,18%), Melilla (-0,98), Asturias (-0,66%) e Estremadura (-0,44%).

 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE