Un paro total do transporte está preto, advirte a asociación galega Apetamcor, pola alza dos combustibles

Non é só a belicosa Plataforma Nacional de Defensa do Transporte a que advirte dunha posible folga pronto. Hoxe un colectivo galego,  Asociación Empresarial do Transporte de Mercadorías por Estrada de Galicia (Apetamcor), ha demandando medidas urxentes tras advertir que os camioneiros rozan o "colapso total". 

Xa a semana pasada o presidente da asociación de empresarios do transporte Asociación Empresarial Transportes Río Miño (Aetram) en Lugo alertou que co prezo do carburante disparado "agora mesmo é inviable traballar".

Cuestionado por Galiciapress, o presidente Rueda sinalou que Moncloa debe tomar medidas fiscais inmediatas". Galicia sería especialmente vulnerable para os efectos dunha nova folga do transporte agora, pola súa condición periférica, a capacidade de mobilización das asociacións críticas e o peso do turismo estival na economía.

 

 

 


|

Non é só a belicosa Plataforma Nacional de Defensa do Transporte a que advirte dunha posible folga pronto. Hoxe un colectivo galego,  Asociación Empresarial do Transporte de Mercadorías por Estrada de Galicia (Apetamcor), ha demandando medidas urxentes tras alertar que os camioneiros rozan o "colapso total". Iso si, non existe unanimidade no sector.

 

Xa a semana pasada o presidente da asociación de empresarios do transporte Asociación Empresarial Transportes Río Miño (Aetram) en Lugo indicou que co prezo do carburante disparado "agora mesmo é inviable traballar".

 

Cuestionado por Galiciapress, o presidente Roda sinalou que Moncloa debe tomar medidas fiscais inmediatas". Galicia sería especialmente vulnerable para os efectos dunha nova folga do transporte nestes momentos, non só pola súa condición periférica e a demostrada capacidade de mobilización das asociacións críticas no país, tamén polo peso do turismo estival na economía. Un colapso das autovías sería un desastre.

 

Unha pasada mobilización de Apetamcor nunha foto de arquivo
Unha pasada mobilización de Apetamcor nunha foto de arquivo


 

A Asociación Empresarial do Transporte de Mercadorías por Estrada de Galicia (Apetamcor) pide intervir o mercado dos combustibles "para evitar o colapso do transporte por estrada".

A través dun comunicado de prensa, Apetamcor advirte de que os transportistas que operan en Galicia "poderían verse abocados a curto prazo a un colapso total e á paralización da súa actividade", ao, matiza, "non poder absorber o incremento dos seus custos de explotación, agravados día a día pola escalada incontrolada e a volatilidade dos prezos dos combustibles".
 

"SOLUCIÓNS URXENTES"
"Sen que nada faga prever que vaia a producirse unha rebaixa dos prezos do gasóil, senón que moi pola contra, xa se augura unha maior crise enerxética, agravada ademais pola situación bélica que sofre Ucraína tras a invasión rusa, Apetancor reclama solucións urxentes por parte do Goberno español intervindo este mercado de forma extraordinaria", subliña.

No medio dunha conxuntura económica "tan crítica", engade, Apetamcor considera "inadmisible que uns dos grandes beneficiados desta crise sexan as grandes compañías enerxéticas", que, critica, "están a obter unhas ganancias escandalosas á conta dos pequenos consumidores".
 

CRÍTICAS A REPSOL
Neste sentido, resalta "o caso dos beneficios extraordinarios de Repsol, que só no primeiro trimestre deste ano obtivo uns beneficios de 1.400 millóns de euros, máis do dobre dos que gañou no mesmo trimestre de 2021".

"Como proba da situación de abuso e especulación que sofre o mercado dos combustibles en España, Apetamcor destaca os datos que publicou a Comisión Europea a última semana do prezo do gasóleo antes de impostos en Francia que se situaba 16 céntimos máis baixos, polo que a pesar da maior fiscalidade sobre os carburantes no país galo o prezo nas gasolineiras é practicamente similar ao de España", expón.

A Asociación Empresarial do Transporte de Mercadorías por Estrada de Galicia reitera "a necesidade de que o Goberno interveña o mercado dos combustibles" para "evitar que se agrave a escalada de abuso das petroleiras e abóquese ao colapso da actividade do transporte por estrada", conclúe.

 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE