"É outro engano como o AVE", Xoán Vázquez (Eixo Atlántico), sobre as novas conexións de tren con Portugal

Non haberá por agora trens con carácter xeral para cubrir os roteiros da Coruña - Porto e A Coruña - Lisboa, advirten desde o Eixo Atlántico.

Estas liñas ían ser as primeiras operadas en Galicia por axentes privados, neste caso Arriva. Cubrirían tamén viaxes entre A Coruña e Vigo, que son moi rendibles para Renfe.

O problema está motivado pola diferenza que hai entre tensións entre os diferentes traxectos de a electrificación.

Arquivo: O Tren Celta é o tren convencional de Renfe para as conexións Vigo - O Porto

Para ampliar a eficiencia de conexións ferroviarias con Portugal, a compañía pública española Adif prometeu elaborar unha electrificación para o desprazamento ferroviario entre A Coruña - O Porto e A Coruña -Lisboa.  

Fíxose, pero non entrou en servizo. É problema  estivo relacionado, principalmente,  coa diferenza de tensións que hai entre os diferentes tramos. Así, o presidente do Eixo Atlántico, Xoan Vázquez Mao, explicou nun comunicado que a liña antiga, que circula entre Gillarei - Ourense, se electrificou a 3.000 voltios. 

En cambio, a nova liña de alta velocidade está a 25.000. Isto vén significar, segundo o presidente, que a electrificación entre Vigo e Tuy non ten a mesma tensión que entre Vigo - Coruña e Valença - Faro e que, por tanto, a súa activación é inviable nestes momentos. 

Por tanto, os únicos trens capacitados para circular por esa liña son trens bitensión, pois dispoñen das características para traballar sobre unha electrificación híbrida. O problema é que os trens bitensión son moito máis caros, escasos e case todos os ten Renfe. 

Entón, Vázquez Mao advirte  que a empresa pública de vehículos ferroviarios  non os compartirá cos operadores privados que aspiran a conectar Galicia e Portugal.

Foto: Arquivo, trens de Arriva como os que pretendía usar na conexión A Coruña-O Porto

Hai que lembrar que hai anos que Arriva Spain Rail (filial da empresa xermana  Deutsche Bahn) logrou o permiso para operar unha conexión A Coruña - O Porto. A pandemia e as dificultades técnicas como as relatadas por Vázquez Mao descarrilaron o proxecto por agora. 

Mao explica que ante os problemas de conexión, os competidores foráneos terían que alugar os trens e  isto restaría competitividade.  "Foi outra estafa e outro engano como o do AVE", pechaba o presidente o comunicado.