Incendio forestal en Montealegre, nunha zona próxima ao núcleo urbano de Ourense
Un conato de incendio afecta desde a tarde deste martes a unha área próxima a casas na zona de Montealegre, no municipio de Ourense.
A brigada helitransportada con base en Marroxo, Monforte, é un dos medios que están a combater as chamas que se producen tras varios días de temparaturas superiores aos 30 graos.
Imaxe do lume publicada por @EmerxenciasOu
Polo momento, a superficie afectada polas chamas é de 0,15 hectáreas. O incendio declarouse ás 19,00 horas e permanece activo.
Na zona traballan dous axentes, seis brigadas, unha motobomba e medios áereos, segundo apunta a Consellería do Medio Rural, que asegura que por agora non existe perigo para as casas situadas nas proximidades do incendio.
Escribe o teu comentario