(VÍDEO) Así enmudeció o galego Alberto Abalde o Fontes do Sar: palmeo gañador sobre a bucina (88-89)

O ferrolán deu a vitoria aos de Pablo Laso e amarrou a segunda praza do Real Madrid en liga con esta xogada primorosa.

Por contra, o triunfo do Madrid evita que o Obra certifique a súa permanencia na liga ACB outro ano máis. 

Tivo que ser precisamente un galego o que arrebatase a salvación ao Obradoiro. Os de Moncho Fernández chegaron vivos contra o Real Madrid nos segundos finais do encontro, con apenas un punto de vantaxe. Unha diferenza mínima que, a falta de 6,6 segundos, deixaba aos composteláns, un ano máis, na elite do baloncesto nacional, pero o ferrolán Alberto Abalde tiña outros plans.

O Madrid sacou de fondo para Llull, e o balear percorreuse a cancha como un raio para anotar a canastra da vitoria. Aclarado para o 23 do Madrid, que con todo caeu na trampa de Scrubb, que o arrinconó no sector dereito, sen apenas marxe para armar o brazo. O escolta lanzou co tempo case cumprido, pero o seu tiro, curto, perdíase sen tocar o aro.

AEROLÍNEAS ABALDE

Foi nese momento co balón descendendo, que chegou como un obús Alberto Abalde, para palmear no momento preciso e sen oposición. 88-89 para os da capital, e 0,2s no luminoso. O Obra tirou á desesperada desde a súa cancha, pero en balde. 

Ao final triunfo para o Madrid de Laso, que sufriu en Santiago para levar a vitoria, que sela o seu pase a playoff como segundos. Pola outra banda, o Obradoiro queda con once triunfo, unha vitoria por encima dos postos de descenso e cun récord idéntico a Betis e Zaragoza. Andorra, Burgos e Fuenlabrada están con dez e, a falta de dúas xornadas, todo parece indicar que a pelexa estará entre eles. De feito, Fuenla e Burgos xogaranllo todo na última xornada. 

Gnar hoxe supoñía para os galegos pechar a campaña definitivamente. A salvación está preto e pode chegar mesmo sen necesitar unha vitoria. Polo que poida pasar, mellor gañar ante o Joventut ou Valencia, non vaia a ser ou demo...