Sánchez anuncia rebaixas do IVE das enerxías e de até 30 céntimos por litro na gasolina e diesel

Este venres o Consello de Ministros ha celebrade unha reunión extraordinaria a fin de impulsar unha batería de medidas de carácter social para combater a situación de incerteza económica marcada pola guerra aberta entre Estados Unidos e Israel contra Irán. PSOE e Sumar, que conforman o Goberno de coalición, pactaron unha serie de axudas divididas en dous reais decretos: un pensado para a vivenda, como reclamaba Yolanda Díaz, e outro para enerxía e combustibles. 

DOUS PAQUETES

O pacto chegou tras horas de negociación e tensións entre as dúas partes, pois Sumar condicionaba a súa si a dividir o paquete de medidas. Como ocorreu coa invasión de Rusia en Ucraína, desde o Goberno central promoven iniciativas para rebaixar un 10% o imposto á gasolina, o gasóleo, a luz e o gas, así como a redución de tributos á enerxía eléctrica e ampliar ao bono social eléctrico. 

Ao tempo, contémplase un mecanismo de control para evitar marxes empresariais inxustificados, produto do conflito en Oriente Medio. Esta última medida é unha das propostas de Sumar, onde perseguían ampliar o escudo social no ámbito da vivenda, onde recuperan a conxelación do prezo dos alugueres. 

"NON SE PODE SACAR TALLADA POR COBIZA"

Sánchez defendeu as iniciativas do Goberno para facer fronte ao "shock enerxético" derivado da guerra en Irán, con especial énfase sobre o prezo do gas, aínda que matizando que España "está mellor preparado para facer fronte a esta crise mellor que a nosa contorna, coas enerxías limpas de vangarda", pondo en valor a aposta que vén facendo desde hai anos na transformación do sector e a descarbonización a través das enerxías renovables. 

O presidente tamén comprometeu a axuda do Goberno á cidadanía "como fixemos durante a pandemia, como fixemos durante a crise inflacionaria que provocou a invasión de Putin en Ucraína, como fixemos sempre; pondo sempre os intereses e o benestar da xente por diante". Outra das "certezas" nas que salientou Sánchez é que "aínda que estamos no inicio dun terremoto grave, imos saír máis fortes desta crise, como saímos das anteriores crises", botando man das cifras positivas en canto a emprego e crecemento económico. 

O "Plan integral de resposta á crise en Oriente Medio" está conferido 80 medidas que entrarán mañá en vigor e mobilizará 5.000 millóns de euros. "Este é o compromiso do Goberno de España. As guerras custan vida, custan refuxiados, con iso sería suficiente para dicir non á guerra. Pero nestes primeiros compases a guerra aos españois e españolas vainos a custar 5.000 millóns de euros", detallou, sinalando á súa vez que ese diñeiro podería ir investido a campos como a sanidade ou a educación e lanzando un dardo ás formacións políticas que, ao seu xuízo, puxéronse "de perfil" neste conflito.  

Sánchez lamentou e mostrou o seu "enfado" pola situación global antes de pormenorizar os paquetes de medidas. "Pomos en marcha unha redución drástica da fiscalidade enerxética", un eixo co que baixará o imposto na electricidade un 60% e o IVE da electricidade do 21 ao 10%, así como unha redución do 10% ao gas natural ou os pelets e conxelar o prezo do propano e o butano.

Tamén as rebaixas ao carburante, abundou, "vaise a traducir dunha rebaixa de até 30 céntimos por litro en función do carburante". "Uns 7 euros de aforro por depósito", salientou, engadindo unha axuda de 20 céntimos por litro a transportistas e gandeiros xunto a axudas para a compra de fertilizantes, un capítulo onde a guerra en Irán encareceu estes produtos. 

De igual modo, anunciou que se estenderá até 2026 o bono social eléctrico e reforzar o bono social térmico, así como axudas para as industrias máis expostas a esta crise, como as electrointensivas -talles como Alcoa ou Stellantis-, igual que mecanismos para favorecer a actividade dos autónomos. Axudas que terán repercusión en "20 millóns de fogares e 3 millóns de empresas". "Imos castigar a calquera empresa que utilice para enriquecer as axudas previstas para os cidadáns. Non poden sacar tallada por cobiza", anunciou, en clara alusión ao ocorrido durante a pandemia. 

SEN MAIORÍA PARA A VIVENDA

O segundo real decreto lei terá máis dificultades porque, como admitiu Sánchez, non existe unha maioría parlamentaria para sacalo adiante. "Nos próximos días e semanas negociaremos con elr isto de grupos parlamentarios para poder sacalo adiante", avanzou. Neste segundo real decreto é no que se contemplan as medidas en materia de vivenda, como a prórroga dos contratos de aluguer e topar o prezo durante dous anos máis. 

"Ningún plan, por ambicioso que sexa, poderá neutralizar as miserias desta crise dunha guerra que non avalamos", manifestou Sánchez, que esixiu "respecto ao dereito internacional" no "clamor" dunha maioría de nacións para pedir o cesamento do conflito bélico.