Os produtos galegos de calidade do campo e mar estarán na feira Gourmets de Madrid

Segundo informou a Consellería do Medio Rural, a Xunta estará no evento promocionando a 47 empresas participantes de Galicia entre o 25 e 28 de abril de 2022.

O Grupo Gourmets tamén convocoutalleres educativos na alimentación saudable para os escolares madrileños.

Arquivo: Salón Gourmet

As empresas, codiciosas de ver os seus produtos en os novos mercados nacionais e internacionais, decidiron participar na feira de alimentación e bebida nº 1 de Europa. 

O conselleiro do Medio Rural, José González, participará o vindeiro luns na inauguración deste evento. "Temos como fin o de apoiar coa presenza ás empresas participantes", indica o departamento autonómico.

DISTRIBUCIÓN NO EVENTO

O posto que leva esta consellería estará composto por dúas illas que ocuparán unha superficie total de 414 metros cadrados, onde se albergarán un total de 29 empresas do sector agrario. Nunha desas illas estarán 14 coexpositores do sector alimentario en xeral e, na outra illa, irán 15 adegas e coexpositores doutras bebidas.

Ademais, neste posto tamén haberá espazo para unha aula de experiencias de calidade, onde levarán a cabo diversos talleres de cociña en directo, catas e degustación de produtos galegos con selo de calidade, en colaboración co persoal dos consellos reguladores que participan na feira.

TALLERES INFANTÍS

O equipo mantense comprometido cos/as máis pequenos/as  dende o ano 2000. Polo tanto, volven organizar actividades educativas sobre a alimentación saudable e o desenvolvemento físico e cognitivo  dos gourmets do futuro.

Durante as xornadas da Feira, todas as mañás poderán asistir escolares ao recinto para aprender dunha forma lúdica os principios básicos dunha dieta saudable. No Taller de Pan poderán coñecer as características dos alimentos; no Taller de Atún descubrirán a importancia deste peixe e no Taller do Queixo aprenderán as calidades do devandito lácteo. Por último, no Taller de Carne, a empresa I.G.P Tenreira Galega  ensinaralles como se alimentan e crecen os tenreiros mediante xogos.