O Encontro Mundial de Humorismo regresa tras dous longos anos de espera
Nesta II Edición do Encontro Mundial de Humorismo (EHMU), A Coruña contará con algúns dos cómicos máis aclamados do panorama nacional.
Nesta II Edición do Encontro Mundial de Humorismo (EHMU), A Coruña contará con algúns dos cómicos máis aclamados do panorama nacional.
Galicia achega unha boa ristra de nomes: David Amor, Luís Piedrahíta, Rober Bodegas ou Carolina Iglesias, entre outros, participarán na cita.
Artistas do EHMU | Fotos: EP
Se algo foi máis necesario que nunca nestes tempos de pandemia mundial foi o sentido do humor. As máscaras arrebatáronnos os sorrisos, pero non as ganas de rir. Foron dous longos anos de espera, pero o do Encontro Mundial de Humorismo (EHMU) regresa á Coruña, acompañado dos mellores expertos niso de arrincar gargalladas.
Na súa II Edición, postergada ata en dúas ocasións pola crise sanitaria, a cita promete facer da cidade herculina “a capital do humor esta primavera” entre o 29 de abril e o 8 de maio. Ademais dos principais espectáculos, desde o EHMU lembran que o evento estará aderezado con “actividades paralelas” que se confirmarán nos próximos días “ofrecendo así unha ampla programación para mozas e adultos”.
Os espectáculos de gran formato contarán con catro escenarios: o do Teatro Colón, o do Coliseum, o do Palacio da Ópera e o de Afundación. Sobre eses taboleiros pasearanse os mellores humoristas de España, cunha nutrida representación de cómicas e cómicos do país.
A representación galega estará formada por nomes tan ilustres como Rober Bodegas -que compón con Alberto Casado o dúo Pantomima Full, especializados en parodias que presentan o seu show ‘En su cabeza era espectacular’-, Xosé Touriñán -que presenta con Eva Hache, Leo Harlem e Ana Morgade ‘Humoris Causa’- ou Carolina Iglesias -que virá acompañada da súa inseparable Vitoria Martín, coa que presenta o laureado podcast ‘Estirando el chicle’ coa compañía de Lala Chus, Henar Álvarez e Patricia Espello-.
Como ‘Estirando o chicle’, o 7 de maio tamén será a quenda do espectáculo ‘Sin datos no hay paraíso’, onde reuniremos a El Cejas, Car de Lorenzo, Xurxo Carreño e Animalize21 no Teatro Colón.
Luís Piedrahíta e David Amor pecharán o festival con ‘Fantastic Colofón’, xunto a Silvia Abril e David Fernández. Antes do fin de festa, tamén haberá tempo para ver ao galego? David Broncano -nacido en Rianxo pero criado na xienense Orcera- acompañado do tinerfeño Ignatius Farray e o salmantino Héctor de Miguel, o artista anteriormente coñecido como Quequé, que presentan ‘La Vida Moderna Life Show’, nun dos seus últimos espectáculos en directo. Isto será o día 6, cando tamén se poderá ver “por primeira vez en directo”, ‘Saldremos mejores’, o podcast presentado por Inés Hernand e Nerea Pérez de las Heras. “A risa non ten idade e EMHU é un festival para todo tipo de públicos”, lembran.
Escribe o teu comentario