Os altercados entre hooligans do Celta B e o Deportivo (vídeos) orixinan centos de multas e investigacións penais

Non houbo feridos, pero si momentos de moita tensión tras o asubío final en Balaídos. A actitude dalgúns xogadores, que intercambiaron empuxóns e insultos, non axudou a manter a calma.

Pelexas entre xogadores tras derrotar o Celta B ao Deportivo en Balaídos nunha imaxe da TVG 

Axentes da Policía Local de Vigo propuxeron para sanción, conforme a ou establecido na Lei do Deporte, a máis de 100 persoas polos altercados producidos entre seareiros do RC Celta B e o RC Deportivo da Coruña.

Nun comunicado, a Policía indicou que estas persoas enfróntanse a duras sancións económicas, que poden oscilar entre 150 euros e os 650.000 euros no caso de infraccións "moi graves".

Ademais, explican que incautáronse varios obxectos contundentes, como paus de madeira, barras de metal, defensas extensibles, unha chave de puxilato ou un extintor, entre outros.

INCIDENTES TRAS O PARTIDO

Os feitos remóntanse ao pasado 27 de marzo, na celebración do partido de fútbol entre o Celta B e o Deportivo, en Balaídos. Tras a finalización do encontro, un grupo de afeccionados celestes abandonaron os seus asentos e saltaron ao terreo de xogo para dirixirse á parte do estadio onde se atopaban os seareiros do equipo contrario, co fin de provocarlles e increparlles, respondendo estes lanzándolles obxectos desde a bancada, como botellas e parte dos asentos que foran previamente arrincados.

AGRESIÓNS Á SEGURIDADE PRIVADA

A pesar dos esforzos dos vixiantes de seguridade por conter ás persoas, non o conseguiron, sendo algún deles agredido, o que provocou a intervención da Policía Nacional no terreo de xogo.

Antes da celebración do encontro xa se recibiron varias chamadas alertando da presenza dun grupo de persoas que portaban paus e outros obxectos e que mostraban unha actitude violenta dirixíndose cara ao parque da Bouza, onde se estaba producindo unha pelexa entre afeccionados.

Tamén os funcionarios dirixíronse ao lugar, observando á súa chegada que algúns mozos fuxiron á carreira e o grupo de violentos, formado por unhas 50 persoas, foron reducidos e identificados.

Todos estes feitos saldáronse con máis de 100 propostas para sanción con multas que poden ascender ata aos 650.000 euros e a prohibición de acceso a calquera recinto deportivo por un período de 5 anos no casos máis graves. A investigación continúa aberta e non se descarta que estes feitos poidan ser constitutivos de infraccións penais, tales como danos, alteración da orde pública ou rifas tumultuarias.