Uns cazadores atopan o corpo sen vida dunha muller nunha zona boscosa de Santiago de Compostela

O cadáver foi atopado na parroquia da Enfesta, pertencente á capital galega. 

O pasado 7 de agosto denunciouse a desaparición dunha muller da zona, de 77 anos e enferma de Alzheimer. 

Foto: EP

Uns cazadores acharon o cadáver dunha muller nunha zona de monte da parroquia da Enfesta, en Santiago de Compostela, ao redor de únaa e media deste domingo, segundo confirmou o 112 Galicia a Europa Press.

Ata o lugar mobilizouse aos servizos sanitarios, á Garda Civil, á Policía Nacional e á Policía Local. Agora, as autoridades tratan de identificar o cadáver, que foi atopado nunha zona da mesma parroquia onde, o pasado 7 de agosto, desaparecera unha muller de 77 anos que padecía Alzheimer.

Naquel momento participaran no operativo de procura a Garda Civil, o Grupo de Cans de Rescate de Protección Civil de Padrón, así como o equipo de drons da Axencia Galega de Emerxencias.