A sexta onda négase a abandonar as residencias galegas, que repuntan os seus casos, sobre todo na Coruña

As residencias galegas suman 671 casos activos, 33 máis desde a súa última actualización a semana pasada.

A sexta onda parece que se resiste a abandonar os xeriátricos galegos, a pesar de que a Xunta xa non informa de que residencias están afectadas nin con cuantos casos.

Residencias | Foto: EP

A sexta onda parece perder forza aos poucos en Galicia, pero as residencias galegas levan unha parte importante aínda. A Xunta notifica este mércores, no seu informe semanal, 671 casos activos nos xeriátricos, polos 638 da semana pasada.

Por áreas A Coruña é a máis afectada, aínda que é difícil coñecer as dimensións reais do problema, xa que o Goberno de Galicia, que ata hai pouco notificaba que residencias tiñan casos activos, agora só limítase a dar as cifras por áreas. Son practicamente o 2% dos casos totais en Galicia.

REPUNTE PREOCUPANTE NA CORUÑA

Se atendemos ás cifras por áreas sanitarias comprobamos un significativo e preocupante repunte de casos na área da Coruña, que conta con 240 casos activos polos 181 de hai unha semana. Son 59 máis. No lado contrario da balanza atopamos á área de Ferrol, que hoxe notifica só nove casos activos cando fai sete días eran 38, os que tamén notificaba Santiago de Compostela, que hoxe achega 36 casos activos.

Tras A Coruña atópase a área de Ourense, con 145 usuarios afectados -21 menos que hai unha semana-, e Lugo, con 134 usuarios positivos -25 máis que fai sete días-. Vigo, con 72 casos, perde nove desde o mércores pasado, mentres que Pontevedra gaña dez neste tempo, ata os 35 residentes con coronavirus. 

Onte mesmo, a Plataforma ‘REDE’ denunciou un novo brote na residencia DomusVi de Barreiro, con polo menos unha decena de afectados.