Xubilados de Lugo promoven un mes de boicot aos caixeiros e aos bancos que deixan de lado aos maiores ​

Nin unha soa operación con tarxetas nos caixeiros de Lugo do 5 de febreiro ao 5 de marzo. Ese é o obxectivo dos xubilados lucenses no seu boicot contra as entidades bancarias.

"Escotet está no seu despacho e non ten nin idea do que ocorre nas oficinas. O seu criterio non é precisamente para definir a realidade do que ocorre cos clientes de Abanca e do resto de entidades", reprochan ao presidente de Abanca.

Foto: EP

Xubilados de Lugo fixeron un chamamento este xoves para participar do "boicot" para realizar operacións con tarxetas de crédito o sábado 5 de febreiro e o 5 de marzo.

O presidente da asociación de Xubilados e Pensionistas de Lugo, Julio Méndez, anunciou que van tentar "" durante eses días que "a xente non utilice a súa tarxeta de crédito en ningún caixeiro".

Méndez subliñou que se trata de "unha forma de protesta silenciosa, a ver se iso dá resultado e os bancos aos poucos van variando o seu criterio en canto ao tratamento cara ás persoas maiores".

Tamén aproveitou para responder o presidente de Abanca, Juan Carlos Escotet, quen subliñou que o "30 por cento" dos seus clientes son persoas "maiores". "Escotet está no seu despacho e non ten nin idea do que ocorre nas oficinas. O seu criterio non é precisamente para definir a realidade do que ocorre cos clientes de Abanca e do resto de entidades", queixouse.

"Se cadra nunha entidade determinada pode haber unha mellor atención, pero a tónica xeral é poñer trabas á atención presencial dos clientes", concluíu o presidente da asociación de Xubilados e Pensionistas de Lugo, Julio Méndez.