Sentenza narcosubmarino de Aldán: 11 anos de cárcere para os tres tripulantes e 7 para o resto

A Audiencia Provincial de Pontevedra acaba de ditar sentenza no caso do famoso narcosubmarino. Os tres principais acusados enfrontábanse a 13,5 anos de cárcere. A Xustiza os condena finalmente a 11 anos.

O submarino afundido polos narcos en Aldán contaba cun motor diésel de 6 cilindros e capacidade para almacenar 20.000 litros de combustible, o que lle permitía facer travesías longas sen encher. 

Ademais, os seus cómplices, que operaban en terra reciben condenas de 7 anos de cárcere. O tres máis castigados enfróntanse ademais a dous multas de 300 millóns de euros. Para os outros tres, as dúas multas son de 300.000 euros.

REDUCIÓN DE PENAS SE SON EXPULSADOS

Dous dos tripulantes eran estranxeiros, de Ecuador. A audiencia ofrécelles a posibilidade de reducir a pena a oito anos se son expulsados tras este tempo de España e prometen non volver nunha década.

Todo o incautado pasa a ser comisado.  Incluído o narcosumbarino. Un artefacto naval autopropulsado, sen capacidade para mergullarse completamente e cun dispositivo de escape húmido para evitar a detección térmica a través de radares.

Na operación incautáronse  máis de 3.000 quilos de cocaínaen 152 fardos . O submarino foi recuperado afundido á entrada da ría de Aldán, no Morrazo, Pontevedra.

AÍNDA EN PRISIÓN

Tras a súa detención, o xulgado de Cangas que instruíu a causa ordenou o ingreso en prisión provisional de sete persoas. Con todo, co paso dos meses, todos foron quedando en liberdade provisoria, salvo os tres tripulantes, para quen a Audiencia Provincial prorrogou o pasado mes de novembro a medida de prisión. Iso a pesar que no xuízo declaráronse culpables. 

 Estas son as penas fixadas hoxe, en concepto en concepto de autoesr dun delito contra a

saúde pública, modalidade de tráfico de drogas :

Luís Tomás B.M., ecuatoriano

11 anos de prisión

Dúas multas de 300.000.000 euros

Pedro Roberto D. M., ecuatoriano

11 anos de prisión

Dúas multas de 300.000.000 euros 

Agustín A.M., español 

condenado a 11 anos de prisión

Dúas multas de 200.000.000 euros

Yago R. R.

Sete anos en prisión

Dúas multas de 200.000.000 euros 

Enrique Carlos S.G.

Sete anos de prisión

Dúas multas de 200.000.000 euros 

Rodrigo S.M.

Sete anos de prisión

Dúas multas de 200.000.000 euros 

Uno dos acusados de esperar a droga do 'narcosubmarino' en terra e coordinar o operativo, Iago S.P., declara no xuízo