535 competidores o comezo da liga Galega de Orientación este sábado en Pontevedra

Éxito de inscrición na proba cunha participación que recupera os niveis de deportistas previos á pandemia.

Pontevedra estreará o sábado 29 de xaneiro o calendario oficial da liga de Orientación de Galicia 2022, que contará con dúas suxestivas probas ao longo da xornada nunha bela contorna natural. Entre as 10:00 h (primeira saída) e as 14:00 h terá lugar a primeira proba de orientación a pé do ano polos arredores do monte Acibal, e o espectáculo trasladarase a Pontillón de 15:30 a 19:00 h do Castro, celebrando o primeira BTT Competición de orientación.

As competicións foron presentadas esta mañá no Concello polo tenente de alcalde e concelleiro de Deportes, Tino Fernández, o presidente da Federación Galega de Orientación, Javier Alvelo, e o director de Xesta Natureza, Ricardo Figueroa.

“Non hai moitos deportes nos que un neno de catro anos pode estar a correr na natureza coa súa avoa de 69”

O obxectivo principal simpre é o mesmo: seguir un percorrido reflectido nun mapa no menor tempo posible, pasando polas balizas ou puntos de control indicados, sempre en función da categoría na que se compite. Unhas categorías que dependen das diferentes condicións físicas e dificultades técnicas. 

As saídas agruparanse por categorías (nunca sairá máis dunha persoa na mesma categoría no mesmo minuto), cun total de 30, con competidores que van do 4 ao 68 e competicións para persoas non federadas.

DEPORTE FAMILIAR E EN ALZA

Ricardo Figueroa valorou moi positivamente as notables cifras de participación na proba de Orientación, asegurando que "nos últimos anos a media deste tipo de probas estivo entre 240 e 270, como con diferenza 300, e con estas inscricións volvemos a números de fai catro ou cinco anos, moito antes do Covid”. Segundo el, estamos ante un deporte “que vai máis, que cada vez engancha máis, que ten máis participación e unha participación máis diversa”, entre outras razóns porque “non hai moitos deportes nos que un neno de catro anos pode estar a correr na natureza coa súa avoa de 69”.

Neste sentido, Tino Fernández subliñou "a alegría de recuperar a actividade e volver á normalidade" con probas como estas, "que estrean o calendario da liga Galega de Orientación, deporte que cada día ten máis adeptos", precisamente pola o feito de que se faga ao aire libre e gozando de espazos naturais” e que ten “a vantaxe de que se pode practicar case en familia”.