Covid municipios: Ourense preto de dobrar a curva mentres o cómputo semanal das outras urbes aínda sobe sobre 20%

Galicia está ao bordo de ter todos os seus municipios con máis de 250 positivos por 100.000 habitantes á semana. Isto xamais pasara. Basta que nos próximos días haxa algún positivo en Muras, A Teixeira e Quintela de Leirado para que o mapa da incidencia covid a 7 días por concellos tíngase por completo de negro.

A nivel de tendencias, o mapa de calor da razón de taxas indícanos que o pico de contagios que se intúe a nivel Galicia empeza a asomar sobre todo no sueste de Galicia. O que non é sorprendente, pois foi unha das zonas que primeiro sentiu a sexta onda. 

Hai que lembrar que os niveis que usa o mapa de incidencia acumulada de Galiciapress son os do anterior semáforo oficial, vixente ata finais de novembro. Máis dun mes despois, a Xunta segue sen aplicar os criterios do novo semáforo ás súas cifras municipais, impedindo á cidadanía acceder á información máis exacta. En termos xerais, o novo semáforo eleva ao dobre as pinzas respecto ao anterior. Por exemplo, a nova normalidade -transmisión controlada na nova nomenclatura- dura ata 20 e non ata 10. 

Nota metodolóxica.- Cando un municipio ten menos de 10 positivos á semana, a Xunta non concreta cantos diagnosticos houbo, só indica "entre 1 e 9". Isto impide calcular a razón de taxas ou canto cambia o cómputo semanal dun día a outro. Esta opacidade afecta sobre todo os municipios máis pequenos, pois é onde é máis difícil que haxa 10 ou máis positivos a a semana. Con todo, en épocas de moi pouca incidencia, esta opacidade afecta tamén a concellos máis grandes, porque as urbes empezan tamén a sumar menos de 10 á semana.  

VARIACIÓN SEMANAL

A razón de taxas permítenos saber se un territorio está a gañar ou perdendo positivos desde unha perspectiva semanal. Por exemplo, a razón de taxas de Galicia é de 1,12; o que quere dicir que na última semana houbo un 12% máis de positivos que na penúltima. 

Os municipios con máis de dez positivos á semana e onde os positivos están baixando desde un punto de vista semanal (pois a razón de taxas é inferior a 1) aparecen en diferentes tonalidades de verde no mapa da razón de taxas. Canto máis escuro é ese verde, máis pronunciado é a melloría semanal. Por exemplo, o verde clarito de Xinzo cóntanos que a tendencia é á baixa, un 6% en concreto.

Os municipios con máis de dez positivos á semana e onde os positivos están a subir desde un punto de vista semanal (pois a razón de taxas é superior  a 1) aparecen en diferentes tonalidades de vermello no mapa da razón de taxas. Canto máis escuro ese vermello, máis pronunciado é o empeoramento semanal. Podemos comprobar por exemplo que Ourense é a cidade onde menos están a crecer os positivos semanais, en torno ao 9%.

Os municipios con máis de dez positivos á semana e onde os positivos están estancados desde o punto de vista semanal, pois a razón de taxas é xusto 1, aparecen en  branco no mapa da razón de taxas. Por exemplo, hoxe O Páramo, Portomarín e O Saviñao.

En municipios que teñen menos de 10 positivos á semana é imposible calcular a razón de taxas. Son os que aparecen en gris no mapa. Por exemplo hoxe case todos os d 

VARIACIÓN DIARIA

Comparando o cómputo semanal dun territorio hoxe co seu cómputo semanal onte, non podemos saber cantos novos positivos saltaron no último día, pero si cal é a tendencia máis recente da pandemia nesa localidade. 

Municipios que máis baixan hoxe o seu cómputo semanal  respecto a ese cómputo onte:

• CORUÑA (A) -65
• VIGO -45
• LUGO -27
• VILAGARCIA DE AROUSA -25
• FERROL -20
• MONFORTE DE LEMOS -20
• XINZO DE LIMIA -20
• CANGAS -19
• BARCO DE VALDEORRAS (Ou) -18
• REDONDELA -18
• VIVEIRO -17
• PONTEVEDRA -17
• BURELA -16
• VERIN -15
• OURENSE -12
• MOS -12
• PADRON -10
• CARBALLIÑO (Ou) -10 

Municipios que máis baixan hoxe o seu cómputo diario respecto a ese cómputo onte: 

• CULLEREDO +6
• LOUSAME +6
• ORDES +6
• VALDOVIÑO +6
• PASTORIZA (A) +7
• LALIN +7
• NIGRAN +7
• OIA +7
• TUI +7
• BRION +8
• RIBEIRA +8
• TOURO +8
• RIBADEO +8
• MEIS +8
• BETANZOS +9
• BOIRO +9
• RIBADUMIA +9
• SOUTOMAIOR +9
• CERVO +10
• MACEDA +10
• GONDOMAR +10
• AMES +11
• CHANTADA +11
• MIÑO +12
• VILANOVA DE AROUSA +12
• ILLA DE AROUSA +12
• TEO +13
• MOAÑA +17
• NARON +21
• ARTEIXO +24
• CARBALLO +31 

TODOS Os MUNICIPIOS

A evolución dos positivos en todos os concellos de Galicia pode consultarse no buscador desta táboa. 

EVOLUCIÓN DOS CASOS ACTIVOS POR ÁREA

A nivel galego a tendencia de casos activos é hoxe moi lixeiramente á alza, algo que tamén se ve na curva de todas as áreas. De feito, hai tres que logran reducir os seus cómputos, algo que non pasara xamais desde Ómicro, exceptuando o axuste do xoves, claro.

A tendencia ascendente dos casos activos no conxunto de Galicia retardouse no inicio da terceira semana de xaneiro e sitúanse nos 72.573, que supoñen 132 máis que a xornada anterior, ao haber lixeiramente máis contagios (4.916) que altas (4.782), ao que se engaden dous falecementos. O luns da semana pasada había 67.724 infeccións.

Por áreas sanitarias, os casos activos descenden en tres das sete: Ourense (-251), Santiago e Barbanza (-129) e Lugo (-108), mentres que aumentan nas outras catro: Vigo (+355), Pontevedra e O Salnés (+140), A Coruña e Cee (+91) e Ferrol (+34).

Por tanto, con máis casos activos mantense a área sanitaria de Vigo, con 19.002; seguida da da Coruña e Cee, con 14.747; Santiago e Barbanza, con 10.700; Pontevedra e O Salnés, con 8.459; Ourense, con 8.149; Lugo, con 7.439; e á cola segue a de Ferrol, con 4.077.

Segundo os últimos datos actualizados polo Ministerio de Sanidade este pasado venres 14 de xaneiro, a incidencia acumulada a 14 días de Galicia sitúase en 3.350,78 casos por 100.000 habitantes, fronte aos 3.192,46 de media en España. 

POSITIVOS HOXE E PRESIÓN HOSPITALARIA POR ÁREA

Por áreas sanitarias, a presión hospitalaria aumenta en seis das sete áreas sanitarias e alíviase unicamente na de Ferrol, que mantén tres pacientes Covid en UCI e rexistra 31 noutras unidades --uno menos--.

Na área de Vigo continúan dez pacientes ingresados pola Covid en UCi e soben a 89 os hospitalizados noutras unidades --11 máis--; mentres que na de Ourense seguen oito en críticos e aumentan a 85 noutras unidades --dez máis--.

Polo seu lado, na da Coruña e Cee mantéñense 14 pacientes Covid en UCI e increméntanse a 134 os ingresados noutras unidades --oito máis-- e na de Santiago e Barbanza aumentan a seis o críticos --un máis-- e a 84 os hospitalizados noutras unidades --seis máis--.

No caso da de Lugo seguen seis ingresados pola Covid-19 en UCI e aumentan a 62 os doutras unidades --cinco máis--, mentres que na de Pontevedra e O Salnés descenden a sete o críticos --un menos--, pero soben a 71 os doutras unidades --dúas máis--.

a