Inhabilitado durante cinco anos un adestrador de fútbol feminino por tocamentos a unha xogadora en Vigo


|

O procesado aceptou dous anos de cárcere, pero non ingresará en prisión logo de indemnizar á vítima, de 15 anos e que fotografou a agresión, con 6.000 euros. 


Adestrador xulgado e condenado en Vigo a 2 anos de cárcere por abuso sexual a unha menor.Xuízo contra o adestrador procesado | Foto: G24


A Sección Quinta da Audiencia Provincial de Pontevedra, con sede en Vigo, ditou sentencia este mércores na que condena a L.V.V.M. a unha pena de 2 anos de prisión por un delito de abusos sexuais a unha menor á que adestraba, e á que fixo tocamentos. A execución da pena de prisión foi suspendida e non terá que ingresar no cárcere.

Así, nunha vista de conformidade, a Sala ha resolvido condenar ao procesado a 2 anos de cárcere, así como á pena de inhabilitación durante 5 anos para desempeñar profesión ou oficio que implique un contacto regular con menores. Ademais, o tribunal estableceulle a prohibición de achegarse ou comunicarse coa vítima durante 5 anos.


Con respecto á responsabilidade civil, o Tribunal determinou que non ha lugar, posto que o acusado xa consignou 6.000 euros para indemnizar á vítima. Precisamente por iso, na sentenza aplicóuselle a atenuante moi cualificada de reparación do dano.

A Audiencia acordou, tamén coa conformidade das partes, suspender a execución da pena de prisión, de maneira que este adestrador non entrará no cárcere. A cambio, non poderá delinquir durante 2 anos e deberá someterse a un programa de reeducación.


FEITOS

Segundo o escrito de acusación pública, L.V.V.M. foi adestrador de fútbol feminino durante varios anos. Na tempada 2020-21 adestrou a un equipo integrado por nenas menores de idade, coas que se comunicaba a través dun grupo de WhatsApp.

A relación do acusado coas nenas e coas súas familias ía máis aló do ámbito deportivo, xa que o adestrador organizaba reunións tras os adestramentos ou partidos para tomar algo ou cear, ás que tamén acudían os pais das menores. Así mesmo, con frecuencia levaba no seu propio vehículo a xogadoras aos adestramentos.

O home empezou a interesarse de maneira especial por unha das nenas, de 15 anos de idade, á que preguntaba se tiña noivo ou que facía polas tardes, contactando con ela a través da aplicación Telegram. Nunha ocasión chegou a comentarlle que tiña que dicirlle unha cousa "que non era moi apropiada" e pedíalle que borrase as conversacións que mantiñan.

O 22 de xuño de 2021, o acusado envioulle mensaxes asegurando que lle ían a botar do equipo por non ter afinidade coa directiva e preguntándolle á menor se lle seguiría no caso de que se fose a outro club. Na tarde dese día, o adestrador recolleu á moza para levala ao adestramento e, cando ían os dous sós no coche, el agarrouna polo dedo maimiño varias veces, aínda que a nena retiraba a man ao sentirse incómoda.


TOCAMENTOS

Na viaxe de volta, tras o adestramento, o acusado novamente volveu collerlle o dedo e, nesa ocasión, apoiou a súa man na coxa da nena e empezou a acariñala, sen darse conta de que a menor lle fixo unha foto co seu móbil. O acusado foi subindo a man, ata introducila por baixo do pantalón curto da nena e apartoulle a roupa interior para introducirlle os dedos na vaxina, momento no que a vítima lle apartou a man.

O adestrador dirixiuse a ela para pedirlle que non dixese nada, porque podería ir ao cárcere e ter problemas para seguir adestrando, aínda que lle propuxo volver tocala.

A menor contou o ocorrido á súa nai, que pediu explicacións ao aludido. Este envioulle unha mensaxe ao día seguinte, asegurando que non sucedera nada e que se xerou unha "situación rara pola confianza", á vez que se lamentaba e pedía que non transcendese o ocorrido.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE