​Arrinca unha nova edición de ‘Alimentes’, o programa de Gadis para fomentar a alimentación saudable

|

Por segundo ano, Supermercados Gadis pon en marcha o seu programa educativo dixital ‘Alimentes’, enfocado os estudantes de Educación Infantil e Primaria.


Grazas a este programa, alumnos galegos e castellanoleoneses aprenderán sobre hábitos de alimentación saudable por medio de talleres e actividades.


ALIMENTES



Programa Alimentes | Foto: Gadis


Hai moitos camiños para tratar de gozar dunha boa saúde, pero a alimentación é sen dúbida un dos máis importantes. Unha alimentación saudable, un consumo responsable, unha rutina de actividade física… son aspectos da nosa vida diaria que, desde Gadis, tratan de inculcar aos máis pequenos por medio dunha nova edición de ‘Alimentes’, o programa da cadea de supermercados para mellorar a alimentación dos máis pequenos.


Na infancia, contar con hábitos saudables é fundamental, e desde ‘Alimentes’ achegan aos estudantes de Educación Infantil e Primaria todas as ferramentas e consellos adquiridos durante máis de vinte anos de experiencia.


Un proceso que tivo que reinventarse por culpa da crise sanitaria: “Gadis ha reformulado o programa ofrecendo unha ferramenta didáctica en liña que permite completar as horas lectivas e tamén acceder desde os fogares. Un novo proxecto que, na súa primeira edición, cultivou un importante éxito coa participación de preto de 10.000 escolares de 261 colexios, guiados por 357 docentes”.


Nesta ocasión, desde Gadis sinalan que para a edición deste ano “introducíronse melloras para ofrecer un recurso didáctico aínda máis amplo grazas á experiencia obtida durante o curso pasado”. Os alumnos de centros de Galicia e Castela e León -comunidades nas que opera Gadis- poden gozar de talleres, actividades e visitas escolares aos supermercados para coñecer máis sobre unha boa alimentación ou como podemos reducir o desperdicio alimentario, todo iso durante dez unidades didácticas que nos transportan da lonxa e o campo ata a nosa mesa.


ALIMENTES 1

Programa Alimentes | Foto: Gadis


Desde Gaids animan aos centros que queiran participar neste programa a rexistrarse na web e seguir os pasos. Ademais, participar ten premio, xa que os grupos que completen as dez unidades recibirán un kit do ‘Prato Alimentes. O Menú Saudable’, que inclúe a guía visual para planificar as comidas de maneira equilibrada e un receitario con numerosas propostas saudables. Tamén participará no sorteo de 60 tablets. 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE