Tres días de folga dos 1.600 empregados de Bosh Vigo para denunciar a "precarización laboral" que sofren

Os empregados do 'call center' da cidade olívica están chamados a manifestarse polos últimos cambios laborais que afectan a preto de medio milleiro de traballadores. 

Ademais dos paros, este vienres está convocada unha concentración diante das instalacións de Bosch na rúa Barxa do Covelo, de 12,00 a 13,00 horas.

Protestas en Bosch Vigo | Foto: CC.OO.

Uns 1.600 traballadores do servizo de 'call center' de Bosch en Vigo están convocados a tres xornadas de folga para denunciar a "precarización laboral" que, aseguran os sindicatos, pretende impoñer a empresa, cunha "modificación substancial" das condicións de traballo que afecta a uns 400 empregados.

Os paros, de 24 horas, están convocados para este mércores, o venres e o luns e, segundo denunciou a CIG, son unha medida de presión e protesta ante a intención da empresa de modificar as condicións laborais de 400 traballadores, aos que se lles pretende aplicar cambios nos seus horarios ou reducións de xornada, "sen respectar a concreción horaria por garda legal", segundo sinalou o presidente do comité, Xulio Paramos.

Así mesmo, o representante dos traballadores advertiu de que este conflito ten a súa orixe nunha decisión previa de Bosch, que pretendía aplicar un ERE a 90 empregados, alegando unha suposta adaptación do persoal ás necesidades dun servizo pendente de concurso (sen ter a seguridade de que devandito servizo, de Vodafone, fose ser adxudicado).

A empresa finalmente retirou o expediente regulatorio, pero presentou unha proposta de modificación substancial das condicións de traballo, segundo a CIG, que advertiu de que non aceptará eses cambios "porque supoñen precarizar aínda máis as condicións de traballo".

Ademais dos paros, este vienres está convocada unha concentración diante das instalacións de Bosch na rúa Barxa do Covelo, de 12,00 a 13,00 horas.