A explosión de casos en Vilalba obriga á alcaldesa para solicitar formalmente ao SERGAS un cribado no municipio


|

Vilalba vive, como moitas localidades, unha escalada de contagios sen precedentes, polo que as autoridades tratan de acoutar a subida.


"Imos dar todas as facilidades posibles. Existe a infraestrutura e agora o que estamos a esperar é que se produza a resposta de Sanidade", incide a rexedora.


A alcaldesa de Vilalba, Elba Veleiro, e o presidente da Xunta, Alberto Núñez Feijóo

Elba Veleiro con Feijóo | Foto: Xunta.gal




A alcaldesa de Vilalba, Elba Veleiro, solicitou "formal e oficialmente" á Consellería de Sanidade que faga un cribado no municipio, ao dispararse os positivos por covid-19 con case medio centenar de casos.


Veleiro destaca que se produciu un "incremento de contagios de forma explosiva", polo que pide un cribado "con calquera dos sistemas que hai hoxe en día".


É máis, a rexedora aposta por que as probas se realicen en Vilalba, "sen que teñan que desprazarse os veciños ata a delegación de Sanidade" na cidade de Lugo.

Así, Veleiro aproveita para "ofrecer desde o concello medios humanos e medios de localización ao servizo da Consellería". "Imos dar todas as facilidades posible. Existe a infraestrutura e agora o que estamos a esperar é que se produza a resposta de Sanidade", promete.


A alcaldesa advirte que "o que se trata é detectar aqueles casos asintomáticos que poidan ser positivos, para incidir na necesidade de que queden confinados e frear así a cadea de transmisión" no municipio de Vilalba.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE