A Policía Local A Coruña desaloxa unha festa nunha nave que vulneraba as normas contra a covid-19
Axentes da Policía Local da Coruña desaloxaron a fin de semana unha festa na que se incumprían as medidas polo covid e que se estaba celebrando nunha nave sen licenza para discoteca.
A celebración nocturna foi nunha nave sen permiso de discoteca e onde había exceso de aforo, segundo a versión dos axentes.
Policía Local da Coruña nunha imaxe de arquivo do Concello
SEN MÁSCARAS
Así o informaron a Europa Press fontes municipais sobre este caso. En concreto, a Policía Local foi na madrugada do sábado ao domingo, pasadas as dúas da mañá, a desaloxala porque a nave estaba a funcionar como discoteca sen ter licenza para esa actividade.Ademais, precisaron que as persoas que estaban a participar na mesma "estaban a facer un incumprimento xeneralizado da norma de uso da máscara", dixeron sobre unha das esixencias polo contexto de pandemia en interiores.
"Ninguén pediu certificado de vacinación, había música e exceso de aforo", apuntaron tamén sobre o constatado polos axentes durante a intervención policial.
Escribe o teu comentario