Dous homes detidos en Vigo por presunta agresión sexual a unha muller na rúa Torrecedeira

A muller coñeceu aos acusados nun local de madrugada e fóronse a un piso onde, supostamente, agredírona sexualmente.

Comisaría de Vigo da Policía Nacional en foto de Google Street View

Axentes da Policía Nacional da Comisaría de Vigo detiveron a dous homes como presuntos autores da agresión sexual a unha moza nun piso da rúa Torrecedeira.

VERSIÓN DA POLICÍA

Segundo informaron fontes policiais, os feitos ocorreron na madrugada do pasado 8 de decembro. Os sospeitosos coñeceron á víctima en un local do centro de Vigo e acordaron con ela irse a un piso da rúa Torrecedeira, onde se produciu a agresión sexual.

A investigación foi desenvolta pola UFAM da Comisaría de Vigo-Redondela e, tras as xestións realizadas e grazas á declaración da vítima e doutras testemuñas, púidose identificar e deter aos dous homes supostamente autores da agresión.

No momento en que se tivo coñecemento dos feitos, a Policía Nacional de Vigo activou o protocolo de atención a vítimas de agresións sexuais, e xestionou o traslado da moza a un centro médico da cidade.

Os detidos foron postos a disposición xudicial en Vigo despois de tomárselles declaración en dependencias policiais.